Proxección DVD "Torturadxs" e Ceador Vegano

Como iniciativa da "Ghavilla" enmarcada en dar suceso à vindoura Marcha a Teixeiro do sábado 17, na denuncia anual da existencia dos cárceres e demais centros de exterminio, este xoves, 15 de decembro, proxectaremos no noso local o DVD "Torturadxs", unha denuncia contra a tortura policial no Estado español e, en concreto, unha denuncia do caso de Sergio L.D., que na manifestación antiglobalización contra a Cimeira Europea de marzo de 2002 en Barcelona, foi reducido por 4 policías da Brigada de Información da Policía Nacional e torturado tanto física como psicolóxicamente durante o seu traslado à comisaría de "La Verneda".

Transcurridos 8 anos, a situación segue a ser preocupante. Actualmente ten suspendida a condea e a entrada en prisión, agardando obter o veredicto do Indulto.

E despois, como non, o noso habitual CEADOR VEGANO dos xoves para autoxestionar a biblioteca.

Palestra presentación "CUL DE SAC" Revista de Pensamento Crítico

Onte publicavamos neste blogue a convocatoria da palestra no espacio liberado Sala Yago, hoxe, depois do desaloxo producido só minutos depois de ser colgada a noticia temos que dizer ben alto que : SEGUIMOS EN PÉ  e transaladamos a charla ao noso (e voso) local da rua Ponte la Reina nº 8 (Belvis) e ademais, para coller forza e seguir polo bo camiño, depois da palestra haverá unha riquísima CEA VEGANA

Vidos desde Alacant, os membros do colectivo editorial da Revista "Cul de Sac" falarán do 1º número adicado à Luita contra o Progreso e o Desenvolvemento Destruitivo que padecemos e avanzarán a temática do 2º número adicado ao Control Social.

                                  Venres 25 novembro às 21:00' na "Ghavilla"

Por fin reabrimos as portas, e que mellor que cunhas Xornadas Antidesarrollistas!!!

Despois de meses fechadxs, en principio coa boa intención de rematar algunhas obras pendentes -intención abortada por un problema eléctrico e os seus tortuosos e penosos trámites na Union Penosa durante todos estes meses-, fíxose a luz e decidimos reabrir por fin as portas da biblioteca ainda sen poder rematar os traballiños planificados... Xa sabedes, en construcción permanente...

Quixemos inaugurar esta nova tempada cunhas Xornadas Antidesarrollistas, para contribuir a que a cultura antidesarrollista encha de contido as luitas sociais. É unha cultura do “non”. Non a cualquer imperativo económico, non a cualquer decisión do Estado. Non a participar no xogo político actual para contribuir na medida que fora á administración do presente estado de coisas. A luita antidesarrollista baséase no principio da acción directa, rachando a sumisión á racionalidade mercantil e tecnolóxica.

O programa das xornadas será o seguinte:

Mércores 16 novembro-

19:30h documentario "Reforestación forzosa do eucalipto en Galiza"

20:30h palestra "Pan pra hoxe..." Historia da industrialización en Galiza

Xoves 17 novembro-

12:00h Roteiro Micolóxico (confírmase o mércores)

20:30h palestra "A trampa do progreso" O Ave e outras troulas
      
Ceador popular vegano

Saudos e Saude!!!

Pechamos temporalmente pra rematar as obras

Sentimos anunciar que para rematar as obras que ficaron pendentes, despois de meses de intensa actividade tras ser inaugurada a biblioteca, decidimos pechar temporalmente o local aproveitando os vindeiros meses de frenética e invasora actividade turística desta nosa cidade.

Desculpade as molestias e agardamos abrir pronto para que desfrutedes de interesantes e subversivas lecturas e conversas.

2ª Semana das VIII Xornadas Anarquistas de Compostela

Encuadradas dentro das "Xornadas pola Anarquía e a Extensión da Revolta" seguen esta semana con duas charlas-coloquio moi interesantes:

MÉRCORES 8 XUÑO "As virtudes subversivas. Os anarquistas na actualidade"

Falaremos cun compañeiro italiano, autor de diversos textos insurrectos, recollidos no libro "El desorden de la libertad", que abordan boa parte dos debates máis actuais do anarquismo do sur de Europa. Entendemos como "virtudes subversivas": o valor real das propias ideas, a autonomía de xuizo, a tenacidade, a constancia, a humildade, a memoria, a creatividade, a imprevisibilidade,... como xeito de coñecer con quen e como actuar nun sentido revolucionario.

XOVES 9 XUÑO "O Anarquismo en Chile desde a Dictadura ata agora"

A cargo dun compa chileno con quen falaremos das loitas destes últimos anos: A montaxe do chamado “Caso Bombas” e da escala represiva contra Centros Sociais e Okupas, da solidariedade con o pobo Mapuche, das loitas contra os cárceres,…

Ambas charlas terán lugar às 20h 30' no local da Biblioteca Anarquista “A Ghavilla” na rua Puente la Reina, nº 8 (bairro de Belvís, na paralela a Quiroga Palacios).

*O xoves depois da charla haberá CEADOR VEGANO por só 3€ (mais a vontade)

A crise em Grécia- Informacion, debate e cea popular

A crise grega - información, debate e cea popular de cociña grega
Haberá un bote pra recaudar cartos en apoio á revista anticarcelaria "punto de fuga" (http://puntodefuga.org)

Sábado 4 de xuño no local social Vagalume (Rúa nóreas, 8, Lugo, dentro de murallas)

Venres 10 de xuño na Biblioteca Anarquista "A Ghavilla" (r/Pontedarraíña nº8, Santiago de Compostela)

http://puntodefuga.org/lugo-la-crisis-griega-informacion-y-debate-cena-popular-de-cocina-griega-vegetariana

Saude e bon probeito!

VIII Xornadas Anarquistas de Compostela

(encadradas dentro das xornadas anarquistas de Galiza, abordaxerevista.blogspot.com)

VENRES 20 MAIO: A problemática nos centros de menores.

Incidiráse no funcionamento destes cárceres para nenxs, dende a visión de unha persoa integrante de ESCULCA, un organismo legalista que tenta asumir a defensa das liberdades e dereitos de fundamentais das persoas. Unha charla de carácter informativo para a aportación na loita contra as prisións de menores en particular, e contra todas as prisións en xeral.

XOVES 26 MAIO: A nova privatización da auga en Galiza.

Dende xaneiro, entra en vigor a "lei de augas de Galicia", coa que a auga pasa de ser un ben universal a un negocio máis en mans da empresa Augas de Galicia, con dereito privado. Reflexionaremos con dous compañeiros sobre o proceso privatizador da auga, impulsado por políticas dende a escala internacional á local que siguen as directrices da globalización capitalista.

VENRES 27 MAIO: Charla contra a MAT (Moi Alta Tensión) en Catalunya.

Contaremos con duas compañeiras de Catalunya que participaron activamente desta loita para falar das diferentes formas, orixinais e combativas, de actuación contra esta infraestrutura, aportando novas tácticas na loita contra o seu progreso.

*NA SEMANA DO 30 DE MAIO AO 5 DE XUÑO, FAREMOS UN PEQUENO DESCANSO DAS XORNADAS, ANIMÁNDOVOS A TODAS A QUE VOS SOLIDARICEDES COA LOITA MAPUCHE NA FESTA SOLIDARIA QUE SE CELEBRARÁ EN BALBOA (O BIERZO) OS DÍAS 3 E 4 DE XUÑO CON ACTIVIDADES MOI DIVERSAS (+info: abordaxerevista.blogspot.com)*

MÉRCORES 8 XUÑO: "As virtudes subversivas. Os anarquistas na actualidade"

Charla coloquio cun compañeiro italiano, autor de diversos escritos publicados en "El desorden de la libertad". Falar de "virtudes subversivas" (o valor real das propias ideas, a autonomía de xuizo, tenacidade, constancia, humildade, memoria, creatividade, imprevisibilidade...), son quizáis unha boa forma de coñecer con quen e como actuar nun sentido revolucionario.

XOVES 9 XUÑO: Charla sobre a cultura e loita mapuches, a cargo de Rodrigo Curipam Werkem, da comunidade de Rankinko.

Participou moi activamente na loita destes últimos anos, recentemente excadeado polo estado chileno, tras unha longa e dura folga de fame que ainda dura actualmente nas prisións chilenas.

ACTUALIZACIÓN: Por problemas de permisos legais, o compa Rodrigo Curipán non poderá acudir a estas xornadas e no seu lugar debateremos con un compa chileno sobre o anarquismo en Chile desde a dictadura ata agora.

*(por concretar, semana do 13 de xuño)*: Charla sobre a reforma do código penal.

Dous avogadxs de Madrid explicarán o endurecimento das leis coas últimas reformas da lexislación penal e as suas consecuencias, importante na recopilación de datos para novas estratexias defensivas.

*(por concretar, semana do 13 de xuño)*: Mulleres saharauis en loita.

Asistiremos ao testimonio de duas mulleres saharauis que se arriscaron por dar a coñecer ao mundo a realidade da loita do seu povo contra a represión marroquí. Con elas poderemos achegarnos á realidade do povo saharaui e máis en concreto das mulleres saharauis.

TODAS AS CHARLAS SERÁS APARTIR DAS 20:30H NA BIBLIOTECA
(lembrámosvos, a rúa entre Quiroga Palacios e Avda de Lugo, no número 8)

Difundide!!!!

Presentación do libro "Ejércitos en las calles"

Dentro da xira de entre o 17 e o 21 de maio, a cargo de dous compañeiros de Bardo edicións, terá lugar á presentación dos libros:

- Ejércitos en las calles. Algunas consideraciones sobre el informe Urban Operations in the year 2020 de la OTAN

- Si vis pacem. Repensar el militarismo en la época de la guerra permanente: Textos de las Jornadas Antimilitaristas de Barcelona, septiembre de 2010

O Exército continua a ser, e así será porque está na súa esencia, unha ferramenta dos Estados para intervir noutros territorios, mediante a súa participación en guerras ou ocupacións, de cara a defender e fortalecer os intereses económicos da clase dominante. Porén, a actuación do exército non se limita ao exterior das fronteiras legais do Estado, senón que, sumándose ás restantes forzas de represión, é empregado para controlar tamén á poboación propia. Unha realidade esta que, se ben xa a vivimos recentemente coa militarización do espazo aéreo tras a declaración do Estado de Alarma en decembro do ano pasado, farásenos cada vez máis presente nun contexto de crise permanente e degradación universal onde a dominación pretende saír reforzada a toda costa:

“Para os que se obstinan en pensar que o razoamento aquí detallado concierne soamente ao limes do imperio, e non ao seu centro orgánico, para os que queren de todos os xeitos proxectar a escena do conflito noutro lugar calquera con tal de que non sexa aquí, en fin, para os que aínda continúan sentíndose “en paz” co existente (ou sexa, cunha existencia de paz), no informe simúlase unha intervención da OTAN nun teatro de operacións no cal as “cidades de interese estratéxico” non son nin Teherán (Irán), nin Pyongyang (Corea do Norte), nin "como hipótese extrema" Pequín (China), senón que son as cidades francesas de Rouen, Lle Havre, Evreux e Dieppe.

O control preventivo e a represión de sublevacións ou insurreccións eventuais volveranse cada vez máis prerrogativas do exército, o cal terá que efectuar, por tanto, verdadeiras funcións de policía territorial, mentres esta se “paramilitariza”. Ademais de controlar o territorio, o exército terá que levar a cabo actividades de xestión da poboación civil: xestión física (refuxiados, evacuados, etc.) e xestión psicolóxica (control e monopolio das informacións, relacións coas autoridades locais, pero tamén con todas as realidades asociativas dispostas a colaborar).

Nesta perspectiva será necesario dotar ás forzas armadas dunha adecuada preparación para conflitos urbanos, para evitar a histórica “incoercibilidade” das “forzas rebeldes” na guerra asimétrica. Ao mesmo tempo, será preciso afacer á xente a ver aos militares patrullando as cidades, para que ninguén, por máis avezado e/ou aterrorizado que estea, arrísquese a mover un dedo (nin sequera o do medio).

Estamos a nos dirixir cara a un “Estado militarizado”. Tanto as tropas asignadas a Pianura (Nápoles) como as que están en Via Padova (Milán) lémbrannos que, de feito, o ano 2020 non está tan lonxe.”

De bardoediciones.net

Ademais de en Compos estarán:

Martes 17 de maio, ás 20h en Vigo no CS Cova dos Ratos (R/Romil 3)

Xóves 19 de maio, ás 19:30h en Pontedeume (CSO A Casa da estación, Avda. do Ferrol)

Venres 20 de maio en Ferrol (Espazo Libertario de Ferrol, Avda Esteiro 10 bx)

Sábado 21 de maio,ás 20:00h en Coruña (CS Atreu!, t/sam josé 2-bx)

Máis info en:

Bardo Ediciones -aquí-
Espazo Aberto Antimilitar -aquí-

LUNS 2 de MAIO às 20:00' .- OBRADOIRO de SON

XOVES 28 às 20h: Presentación DVD "Es Hora de Actuar"

O xoves 28 de abril, ás 20h, proxectaremos o DVD "Es Hora de Actuar", un documento creado con fins informativos que recolle toda unha campaña de accións que se levaron a cabo dende o ano 1999 contra Hungtindon Life Sciences (HLS), unha das maiores empresas de experimentación animal.
Segundo declara un director executivo da empresa no 2009, se non é pola axuda financeira de USA, HLS ía quebrar...

Este DVD ademais é un instrumento para recaudar fondos destinados a individuos que se atopan en prisión.

Información do DVD:
· Titulo: Hora de Actuar [Time for Action]
· Duración: 1hora e 8 min aprox.
· Idioma: Inglés subtitulado ao castellano.
· Imaxes: Protesta contra o proovedor de pequenxs mamíferxs de HLS en Inglaterra (portada) e pintada na sede de Novartis en Barcelona durante unha manifestación contra a farmacéutica pola su relación con HLS (contraportada).

Inauguramos unha biblioteca anarquista en Compostela

Ola xente!!!
Con moito ánimo, puidemos por fin inaugurar a finais do mes pasado a Biblioteca Anarquista de Compostela "A Ghavilla". Un espazo de encontro, de debate e de leituras anarquistas e de moitas outras idiosincrasias... Porque diso se trata, de poder ler e adentrarse neste universo de palabras, pensamentos e sensacións que poidan espertar en cada unx de nós un sinfin de posibilidades... É importante abrir ben os ollos e as miradas a este universo para poder así espertar en nós memxs a capacidade de analizar e reflexionar sobre a sociedade e os seus comportamentos, a crítica e a autocrítica que tanta falla nos fai, se de verdade aspiramos a unha nova vida, unha nova sociedade.
Comecemos por matar ao policía que levamos dentro.

As "Ghavillas" eran grupos de bandoleiros que se organizaban para asaltar e roubar as propiedades dxs señoritxs, dxs curas, de enriquecidos taberneiros...  Un termo asociado á Galiza do século XIX, perdido cos vindeiros tempos de benestar, foi o que escollimos moitxs dxs enfrascadxs neste proxecto, porque definía moi ben esa única actitude plausible para nós, que é a desobediencia a un sistema e suas institucións executadoras que só serven para aniquilar toda iniciativa individual e/ou colectiva a base de adoctrinamento e disciplina, normas e leis, represión e castigo...

Nós somos anarquistas, e por iso mesmo, queremos acabar con el.
Por este motivo era necesaria esta biblioteca, e moito máis nesta cidade de cultura elitista e predeseñada, era necesaria, como unha das ferramentas para emprender o noso obxectivo. A difusión, un espazo onde poder levar a cabo diferentes actividades antiautoritarias, onde poder debatir e deixar fluir a libre creatividade...

Isto só é un comezo...


Benvidxs todxs á Ghavilla!!!

Durante este mes e por motivos de infraestrutura, xa que o local está ainda en construcción, e ainda non funciona o préstamos da biblioteca, informamos que os horarios fixaránse nos vindeiros días, e polo momento son provisionais e pódense incumprir.

Sentimos as molestias

Pases de video os martes

Tentaremos facer pases de video todos os martes a partir das 18h. Este é o programa de abril:

“És o que lês”